Settu á þig gleraugu bjartsýninnar og þú munt sjá heiminn í nýju ljósi, fullan af tækifærum.
Föstudaginn 27. janúar verður Bárumótið í sundi haldið í Bjarnalaug. Þetta er árlegt innanfélagsmót sem haldið er til minningar um Báru Daníelsdóttur og er fyrir 8-12 ára krakka í Sundfélagi Akraness.
Allir keppa í 50m skriðsundi og 50m bringusundi og fá í lok móts viðurkenningu fyrir þátttökuna. Einnig verður stigahæsta sundfólkið verðlaunað með Bárubikurunum sem eru farandgripir. Árangurinn er reiknaður út frá stigatöflu FINA, þar sem samanlagður árangur í báðum greinunum gildir.
Þeir sem taka þátt eru allir fæddir 2000-2004 í Selum og C-hópi.
Krakkarnir eiga að mæta kl. 17.15 og keppni hefst kl. 17.30.
Eftir mótið er öllum sundmönnum boðið í pizzuveislu í Íþróttamiðstöðinni að Jaðarsbökkum þar sem verðlaunaafhending fer fram.
P.s. Krakkar hafið með ykkur aukahandklæði, til að geta þurrkað ykkur vel í lokin.
Stjórn og þjálfarar
Götulengdir á Akranesi