Aðalfundur Blakfélagsins Bresa fer fram í Íþróttamiðstöðinni Jaðarsbökkum þriðjudaginn 10. apríl nk. kl: 19:30. Dagskrá samkvæmt lögum félagins og öllum áhugasömum velkomið að mæta á fundinn.

Æfingar eru hafnar hjá Blakfélaginu Bresa. Æfingatímarnir eru þeir sömu og síðasta vetur á mánudögum og fimmtudögum í íþróttahúsinu að Jaðarsbökkum. Nýliðar eru sértaklega boðnir velkomnir, um að gera að mæta og prufa.

Aðalfundur Bresa verður haldinn fimmtudaginn 8.apríl kl. 19:30. Fer fundurinn fram í íþróttamiðstöðinni Jaðarsbökkum. Venjuleg aðalfundarstörf. Stjórn Bresa

Farið er að síga á seinni hluta blakársins sem að þessu sinni er þó ívið lengra en oft áður. Bresi hefur lokið keppni í 2.deild á Íslandsmótinu og endaði í neðsta sæti í sínum riðli. Síðasti leikurinn fór fram s.l. fimmtudag á Jaðarsbökkum en þá fékk Bresi ÍK í heimsókn. Lauk leiknum með sigri ÍK - 26-24, 23-25, 17-25, 24-26. Eins og sjá má á úrslitatölum hrinanna var um jafnan og spennandi leik að ræða. það sama má segja um flesta leiki Bresa í deildinni því oft vantaði herslumuninn á að liðið næði stigi. Bresi sendi eitt lið á s.k. Kjörísmót Hamars sem fram fór í gær, laugardaginn 27....

Um síðustu helgi var nóg um að vera hjá konunum í Bresa. Félagið sendi tvö lið á hraðmót HK sem haldið var laugardaginn 16. janúar. Var annað liðið skráð í 1.deild og hitt í 3.deild. Í 1.deildinni voru 6 lið og endaði Bresi í 4.sæti með 6 stig. Liðið spilaði 5 leiki og enduðu fjórir þeirra í oddi þannig að ljóst er að um spennandi keppni var að ræða. Í 3.deildinni rústaði Bresi öllum leikjum sínum og varð í 1. sæti með fullt hús stiga. Á sunnudaginn lék Bresi í 2. deild Íslandsmótsins við Þrótt. Bresi byrjaði vel og sigraði fyrstu hrinuna en seinni hrinurnar töpuðust illa. (25-19, 14-25, ...